Qazaqstan jáne Grýzııa SІM basshylary yntymaqtastyqty damytý máselelerin talqylaıdy
ASTANA. QazAqparat - 16 mamyrda Astanada Qazaqstannyń Syrtqy ister mınıstri Qaırat Ábdirahmanov pen Grýzııa vıtse-premer-mınıstri, syrtqy ister mınıstri Mıhaıl Djanelıdze kezdesedi, dep habarlaıdy «QazAqparat» HAA QR SІM baspasóz qyzmetine silteme jasap.
Mıhaıl Djanelıdze Qazaqstanǵa resmı saparmen 16-17 mamyrda keledi.
Kezdesýde eki eldiń syrtqy saıası vedomstvolarynyń basshylary saıası, saýda-ekonomıkalyq jáne mádenı-gýmanıtarlyq salalarda ekijaqty qarym-qatynastardyń búgingi ahýaly men olardy damytý perspektıvalaryn talqylap, eki jaqtyń múddesine qatysy bar ózekti halyqaralyq jáne óńirlik máseleler jóninde pikir almasady.
Kelissózderdiń qorytyndylary boıynsha eki eldiń syrtqy ister mınıstrlikteriniń arasyndaǵy 2018-2019 jyldarǵa arnalǵan Yntymaqtastyq baǵdarlamasyna qol qoıylady.
