Qazaqstan jańartylatyn energııa kózderi úlesin 5 esege arttyrady – Asqar Mamın
«Jýyrda Glazgoda ótken Birikken Ulttar Uıymynyń 26-sammıti aıasynda Qazaqstan klımattyń ózgerýine qarsy kúresti qoldaıtynyn bildirdi. Qazaqstan Parıj kelisimin ratıfıkatsııalap, parnıktik gaz shyǵaryndylaryn 15 paıyzǵa azaıtý mindettemesin qabyldady. Osy maqsatqa qol jetkizý úshin Ulttyq deńgeıde anyqtalatyn úles jańartylyp, jańa Ekologııa kodeksin qabyldadyq», - dedi Premer-Mınıstr Úkimettiń búgingi otyrysynda.
Onyń aıtýynsha, 2030 jylǵa qaraı jańartylatyn energııa kózderiniń úlesi 3 paıyzdan 15 paıyzǵa 5 ese, gaz generatsııasy esebinen energııanyń úlesi – 20 paıyzdan 40 paıyzǵa 2 ese artady.
«Kómirden alynatyn energııa úlesin 70 paıyzdan 40 paıyzǵa deıin azaıtý josparlanyp otyr. 2025 jylǵa qaraı 2 mlrd astam aǵash egý arqyly kómirtegin sińirý múmkindigi artady. 2060 jylǵa qaraı Qazaqstannyń kómirtegi beıtaraptyǵyna qol jetkizý boıynsha qabyldanǵan mindettemeler aıasynda Úkimet energetıka, óńdeý ónerkásibi, aýyl jáne orman sharýashylyǵy, kólik, turǵyn úı-kommýnaldyq sharýashylyq qaldyqtardy kádege jaratý baǵyttaryna basa nazar aýdaryp, ekonomıkanyń barlyq salalarynda eleýli reformalar júrgizýdi kózdeıtin strategııalyq qujat ázirlep jatyr», - dedi Asqar Mamın.
