Qazaqstan janarmaıǵa degen táýeldilikten 2014 jyly birjola qutylady - Premer-Mınıstr
ASTANA. 20 qyrkúıek. QazAqparat /Aıdar Ospanalıev/ - Premer-Mınıstr Kárim Másimovtyń pikirinshe, Qazaqstan janarmaıǵa degen táýeldilikten 2014 jyly birjola qutylady. Bul pikirin Úkimet basshysy «Nur Otan» halyqtyq demokratııalyq partııasynyń Parlament Májilisindegi fraktsııasynyń keńeıtilgen otyrysynda bildirdi.
Premer-Mınıstrdiń aıtýynsha, búginde eldegi janarmaıǵa qatysty máseleniń basty sebebi - munaı ónimderin óndirý qýatymen baılanysty. «ıAǵnı, Memleket basshysy eldegi úsh munaı óńdeý zaýytyn rekonstrýktsııalaý jónindegi aldyǵa qoıǵan mindetter 2014 jyly tolyq aıaqtalady. Osy kezde biz eldi janar-jaǵarmaımen qamtamasyz etýge qatysty táýeldilikten birjola ajyraımyz. Al oǵan deıin biz kóptegen túrli jaǵdaılarǵa táýeldi bolamyz. Óıtkeni, bizde munaı ónimin óndirý qýaty jetispeıdi. Degenmen biz munaı ónimderine qatysty qazirgi tańda qalyptasyp otyrǵan jaǵdaıdy retteýge barymyzdy salamyz»,-dedi K.Másimov.
