Qazaqstan Jańa Zelandııamen birlesken jobalardy júzege asyrýǵa nıetti

ASTANA. QazAqparat - Qazaqstan Jańa Zelandııamen agroónerkásip salasynda birlesken jobalardy júzege asyrýǵa nıetti. Búgin Aqordada Jańa Zelandııa Elshisi ıAn Hıllden senim gramotasyn qabyldaǵan elimizdiń Memlekettik hatshysy Gúlshara Ábdiqalyqova osylaı málim etti, dep habarlaıdy QazAqparat.

Jańa Zelandııa elshisimen kezdesý barysynda Memlekettik hatshy elimiz úshin agrónerkásip, atap aıtqanda ınnovatsııalyq tehnologııalar transferti salasyndaǵy yntymaqtastyq pen Qazaqstan aýmaǵynda aýyl sharýashylyǵy ónimderin tereń óńdeýdegi birlesken jobalardy júzege asyrý erekshe qyzyǵýshylyq týdyratyndyǵyn atap ótti.

Memlekettik hatshymen júzdesýden keıin BAQ ókilderine suhbat bergen Jańa Zelandııa elshisi Qazaqstannyń 2017-2018 jyldary aralyǵynda BUU Qaýipsizdik keńesiniń turaqty emes múshesi bolyp saılanýymen quttyqtady.

«Aǵymdaǵy jyly Jańa Zelandııa óziniń qaýipsizdik keńestegi turaqty emes múshe qyzmetin aıaqtaıdy. Ózimniń Elshi qyzmetimde elderimizdiń arasyndaǵy ekonomıkalyq baılanystardy nyǵaıtýǵa kúsh salamyn. Jańa Zelandııa óziniń mal sharýashylyǵyndaǵy mol tájirıbesimen bólisýge daıyn. Óıtkeni, meniń elimde sút jáne et ónimderin óńdeý jaqsy damyǵan. Sonymen qatar biz bilim salasyndaǵy yntymaqtastyqty óristetýge múddelimiz. Bul rette qazaqstandyq stýdentter Jańa Zelandııanyń úzdik joǵary oqý oryndaryna tańdaý jasaıtyndyǵyna úmit artamyz. Sóz sońynda barsha Qazaqstan halqyn el Táýelsizdiginiń 25 jyldyq mereıtoıymen quttyqtaımyn», - dedi Elshi.