Qazaqstan jańa naryqtarǵa qazaqstandyq astyq brendimen shyǵýǵa nıetti
ASTANA. QazAqparat - Qazaqstan jańa naryqtarǵa qazaqstandyq astyq brendimen shyǵýǵa nıetti. Bul týraly búgin Ortalyq kommýnıkatsııalar qyzmetindegi brıfıngte «Azyq-túlik kelisimshart korporatsııasy» UK» AQ kommertsııalyq dırektory - basqarýshy dırektory Nurbek Daıyrbekov málim etti.
«Qazaqstandyq astyq brendine qatysty aıtar bolsam, bul jumystar turaqty túrde júrgizilip keledi. Bul rette qazirgi ýaqytta biz Qazaqstan shyǵýǵa talpynyp otyrǵan jańa naryqtarǵa qazaqstandyq astyq brendimen umtylýdamyz. Jáne de tutynýshylarymyzǵa bizdiń astyqtyń naýbaıshylyq úshin barynsha joǵary sapaly ekendigin dáleldeýge tyrysýdamyz. Jumystar júrgizilýde», - dedi ol.
