Qazaqstan jańa ınstıtýtsıonaldyq damý kezeńine qadam basty — Domenıko Palmıerı
ASTANA. KAZINFORM — Qazaqstan konstıtýtsııalyq reformadan keıin ınstıtýtsıonaldyq damýdyń jańa kezeńine qadam basyp otyr. Bul týraly Azııa boıynsha Italııa ınstıtýtynyń bas hatshysy Domenıko Palmıerı málimdedi.
Bas hatshynyń aıtýynsha, elde bolyp jatqan ózgerister Qazaqstannyń odan ári damýy úshin mańyzdy mánge ıe.
— Búgin Qazaqstan úshin asa mańyzdy kúnderdiń biri. Konstıtýtsııalyq reformany júzege asyrý eldiń bolashaǵyna jasalǵan mańyzdy qadam, — dedi Domenıko Palmıerı.
Ol jańa ınstıtýtsıonaldyq tetikterdi engizý júıeli jumysty jáne memlekettik qurylymdardyń olarǵa beıimdelýin talap etetinin atap ótti.
— Jańa ınstıtýtsıonaldyq ózgerister is júzinde júzege asyrylýy tıis. Bul damýdyń jańa kezeńiniń bastaýy, — dedi sarapshy.
Palmıerı sondaı-aq konstıtýtsııalyq ózgerister memlekettik organdardyń jumysy men áleýmettik-ekonomıkalyq salany qamtıtynyn atap ótti.
Onyń pikirinshe, Qazaqstannyń odan ári damýy jańa erejelerdiń qanshalyqty tıimdi júzege asyrylatynyna baılanysty bolady.
— Jańa Konstıtýtsııa aldaǵy ózgeristerge negiz qalaıdy. Endigi mańyzdy mindet osy ózgeristerdiń is júzinde júzege asyrylýyn qamtamasyz etý, — dep qorytyndylady Domenıko Palmıerı.
Buǵan deıin TMD baıqaýshylary daýys berý nátıjelerine yqpal etýi múmkin buzýshylyqtardy baıqamaǵanyn aıtqan edi.
