Qazaqstan jańa Ekologııalyq kodeks qabyldaýy kerek - Memleket basshysy
NUR-SULTAN. QazAqparat - Elimizge biryńǵaı ekologııalyq saıasat qajet. Bul týraly elordadaǵy Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev málim etti, dep habarlaıdy QazAqparat tilshisi.
«Qorshaǵan ortanyń qazirgi múshkil háli - kópshiliktiń kókeıindegi másele. Sondyqtan elimizge biryńǵaı ekologııalyq saıasat qajet. Qorshaǵan ortany qorǵaý júıesine serpin beretin jańa Ekologııalyq kodeks qabyldaý kerek», - dedi Memleket basshysy.
Aıta ketsek, elordada jańadan saılanǵan QR Prezıdenti Qasym-Jomart Toqaevty ulyqtaý rásimi ótip jatyr. Sharaǵa Úkimet músheleri, Parlament depýtattary, Konstıtýtsııalyq Keńes músheleri, Joǵarǵy Sot sýdıalary, Qazaqstanda tirkelgen dıplomatııalyq korpýs ókilderi jáne basqa da shaqyrylǵan qonaqtar qatysýda.
Táýelsizdik saraıynda Qasym-Jomart Toqaev Qazaqstan halqyna ant berdi. Jańadan saılanǵan Prezıdent ant bergen sátten bastap resmı qyzmetine kirisken bolyp sanalady.
