Qazaqstan jahandyq umtylysta kóshbasy elge aınaldy - Pan Gı Mýn
Búkil álemde kóshbasshylar tómen kómirsýtekti ekonomıkaǵa kóshý úshin óz eliniń ekonomıkasyn transformatsııalaýǵa umtylady. Biz kóptegen el júzege asyrǵan tamasha qadamdardy baqylap otyrmyz. Jańartylatyn energııa kózderiniń úlesi, «jasyl» ekonomıka úlesi arta túsýde. JEK-pen baılanysty energetıkalyq sheshimderdiń quny dástúrli jáne ekologııalyq turǵyda taza emes energııa kózderimen básekeles bola alatyndaı núktesine jetip otyr. Osy oraıda, Qazaqstan osynaý jahandyq umtylysta kóshbasshy elderdiń biri bolyp otyrǵandyǵyn aıryqsha atap ótkim keledi», - dedi Pan Gı Mýn.
Onyń paıymynsha, Qazaqstannyń 2013 jyly ázirlengen jas ekonomıkaǵa kóshý tujyrymdamasy Eýropalyq odaq ózine alyp otyrǵan baǵyttarmen tolyqtaı saı keledi. Sonymen qatar, Qazaqstan 2050 jylǵa qaraı barlyq elektr energııasynyń 50 paıyzyn balama energııa kózderinen alý mindettemesin óz moınyna alyp otyr.
«2017 jyly Prezıdent Nursultan Nazarbaev iske qosqan Jasyl tehnologııalar halyqaralyq ortalyǵy Qazaqstannyń búkil álem boıynsha bul mindettemelerge basshylyq etýge múmkindik beretin jaqsy quralǵa aınalaryna senimdimin. Menińshe, biz Qazaqstanǵa bul baǵytta qoldaý kórsetýimiz qajet», - dedi ol.
Sonymen qatar, Pan Gı Mýn ózi basqaratyn Jahandyq jasyl ósim assambleıasynyń álem elderiniń Úkimetterine tómen kómirsýtekti jasyl ósim salasyndaǵy ózindik saıasatty ázirleýge jáne ony júzege asyrýǵa kómek beretindigin aıtty.
«Bul saladaǵy Qazaqstannyń kóshbasshylyǵymen ári búkil álemde qoldanylyp jatqan belsendi sharalar arqyly jáne jasyl damý boıynsha jergilikti deńgeıde sharalardy júzege asyra otyryp, klımattyń ózgerýine qarsy kúrese alatyndyǵymyzǵa senimim mol. Adamzat erterekte bolyp ketken qıyndyqtardy eńsere alýy tıis», - dedi ol.
