Qazaqstan Jahandyq órkendeý reıtıngisinde 144 eldiń arasynda 46-shy orynǵa turaqtady
ASTANA. 1 qarasha. QazAqparat - Brıtandyq Legatum táýelsiz zertteý ınstıtýtynyń 2011 jyldyń qorytyndylary boıynsha qurastyrǵan órkendeý - 2012 jahandyq reıtınginde Qazaqstan TMD elderi ishinde úzdik pozıtsııaǵa ıe boldy
- 144 el arasynda 46-shy oryn. Bul málimetter ınstıtýttyń resmı saıtynda jarııalanǵan.
Osyǵan deıingi reıtıngte Qazaqstan álemniń 110 eli arasynda 50-shi oryn alǵan bolatyn.
Instıtýt málimetterine sáıkes, Qazaqstan órkendeý reıtınginde TMD-nyń barlyq elderinen ozdy: Reseı 66-shy orynda tur (7 pozıtsııaǵa tómendeý), Ýkraına - 71, Belarýs - 54, Ózbekstan - 64, Qyrǵyzstan - 88.
Álem elderinde órkendeý reıtıngi ár memlekettiń 8 kategorııa boıynsha jetistikterin baǵalaıdy. Osylaısha, «ekonomıkanyń qýaty» kategorııasynda Qazaqstan 54-shi oryn aldy, «iskerlik ahýal» - 59, «basqarý tıimdiligi» - 95, «bilim berý júıesi» - 43, «densaýlyq saqtaý deńgeıi» - 60, «qaýipsizdik jáne zańnyń ústemdigi» - 53, «adamnyń jeke bas bostandyǵy» - 43, «áleýmettik kapıtal» - 37.
Reıtıngte alǵashqy úsh oryndy Norvegııa (1), Danııa (2) jáne Shvetsııa (3) ıelendi. Úzdik bestikke, sondaı-aq Avstralııa men Jańa Zelandııa endi. Odan ári Kanada (6-shy oryn), Fınlıandııa, Nıderlandy, Shveıtsarııa jáne Irlandııa tur.
"Egemen Qazaqstan" gazeti
