Qazaqstan jaǵajaı voleıbolynan Eýrolıga fınalyna joldama aldy
NUR-SULTAN. QazAqparat - Jaǵajaı voleıbolynan Qazaqstan komandasy Grýzııamen ótken matchta jeńiske jetip, Eýrolıganyń promofınalyna joldama aldy, dep habarlaıdy QazAqparat Ulttyq olımpıada komıtetine silteme jasap.
Olymp.kz habarlaýynsha, Erlan Jamantaev jattyqtyratyn komanda jańa rekord ornatyp, alǵash ret týrnırdiń fınalyna ótti. Fınalda jeńiske jetken jaǵdaıda, A dıvızıonyna joldama beriledi.
Grýzııa – Qazaqstan - 4:6 (1:3, 1:2, 2:1). 8 qyrkúıek kúni ótetin fınalda Qazaqstan quramasy 1 toptyń jeńimpazymen kezdesedi.