Qazaqstan jaǵajaı voleıbolynan jasóspirimder Olımpıadasynyń 1/8 fınalyna shyqty
ASTANA. KAZINFORM - Qazaqstandyq jaǵajaı voleıbolshylary Orazaly Saǵynysh pen Álıhan Aǵabek Senegaldyń Dakar qalasynda ótip jatqan 2026 jylǵy jasóspirimder Olımpıadasynyń toptyq kezeńinen sátti ótti.
Qazaqstandyq jup S tobyndaǵy oıyndardy ekinshi orynmen aıaqtady.
Toptyq kezeńniń sońǵy kezdesýinde otandastarymyz Aýstralııa ókilderi Raıan Edgar jáne Tomas Ternermen kezdesti. Bul oıynda qazaqstandyqtar 0:2 (15:21, 16:21) esebimen jeńilip qaldy.
Osylaısha, Qazaqstan quramasy topta ekinshi oryn alyp, Olımpıada oıyndarynyń pleı-off kezeńine shyqty.
QR UOK málimetinshe, jasóspirimder Olımpıadasynyń 1/8 fınalyndaǵy qarsylastary keıinirek belgili bolady.
Aıta keteıik, Qazaqstan balýandary kúresten álem chempıonatyn bes medalmen qorytyndylady.
