Qazaqstan jahandyq statıstıkalyq komıssııa quramyna endi

ASTANA. KAZINFORM — Qazaqstan 2027-2030 jyldarǵa BUU Statıstıkalyq komıssııasynyń quramyna saılandy, dep habarlaıdy Ulttyq statıstıka bıýrosynyń baspasóz qyzmeti.

Bul sheshim BUU Ekonomıkalyq jáne áleýmettik keńes aıasynda qabyldandy, onyń jumysyna 54 memleket qatysty.

Qazaqstan komıssııa quramyna Sıngapýr jáne Mońǵolııamen birge Azııa-Tynyq muhıty óńirlik toby usynǵan biryńǵaı kelisilgen tizim arqyly saılanyp otyr. 

— Bul taǵaıyndaý óńir elderiniń qoldaýynyń arqasynda júzege asty. Qazaqstannyń BUU Statıstıkalyq komıssııasy quramyna enýi — halyqaralyq qaýymdastyqtyń joǵary senimin kórsetip, eldiń jahandyq statıstıkalyq júıeni damytýdaǵy belsendi rólin aıqyndaıdy. Komıssııa jumysyna qatysý — Qazaqstanǵa halyqaralyq statıstıkalyq standarttardy qalyptastyrýǵa, sondaı-aq turaqty damý men derekterdi tsıfrlandyrý baǵytyndaǵy bastamalardy ilgeriletýge múmkindik beredi, — delingen bıýro taratqan aqparatta.

BUU Statıstıkalyq komıssııasy — jahandyq statıstıkalyq júıeniń negizgi úkimetaralyq organy. Ol halyqaralyq statıstıkalyq standarttar men ádisnamalar ázirleý jumystaryn úılestirýmen aınalysady. Qazirgi tańda komıssııa quramyna tórt jyl merzimge saılanatyn 34 memleket kirip otyr.

Osydan buryn EYDU sarapshylary Qazaqstannyń statıstıkany jetildirý baǵytyndaǵy jumysyn baǵalaǵanyn jazǵanbyz.