Qazaqstan zańyn buzǵan AQSh azamaty aıyppul tóleıdi
ALMATY. QazAqparat - AQSh azamattyǵyn alǵan kezde qazaqstandyq tólqujatyn ótkizbegen áıel jarty mıllıon teńge aıyppul tóleıtin boldy, dep habarlaıdy QazAqparat tilshisi qalalyq sottyń baspasóz qyzmetine silteme jasap.
Mamandandyrylǵan ákimshilik soty QR Ákimshilik qylmystyq kodekstiń 496-baby 2-bólimine sáıkes AQSh azamatshasyn jýapkershilikke tartty.
Áıel ótken jyldyń 9 sáýirinde AQSh azamattyǵyn alǵan.
Biraq qazaqstandyq tólqujaty men jeke bas kýáligin ótkizbegen.
Osylaısha onyń eki azamattyǵy bolǵan. Bul Qazaqstanda zańmen qýdalanady.
Sot qaraýynda áıel kinásin moıyndady.
Sot sheshimimen ol aıypty dep tanylyp, 200 AEK mólsherinde, ıaǵnı 453 800 teńge aıyppul tóleıtin boldy.
