Qazaqstan zańnamasyn buzǵan Izraıl azamaty aıyppul tóleıdi
ASTANA. QazAqparat - QR Zańnamasyn buzǵan Izraıl azamaty jarty mıllıon teńgege jýyq aıyppul tóleıtin boldy, dep habarlaıdy QazAqparat Almaty qalalyq sotyna silteme jasap.
«Almaty qalasynyń mamandandyrylǵan aýdanaralyq soty QR «Azamattyq týraly» zańnama talaptaryn buzǵan T degen azamattyń isin qarady. Qazaqstan azamaty bolyp tabylatyn T 2017 jyly 7 qyrkúıekte Izraıl azamattyǵyn alǵan. Ol shetel azamattyǵyn alǵandyǵy týraly memlekettik organdarǵa ýaqytynda habar bermegen. Osyǵan oraı, sot ony kináli dep taýyp, 453 800 teńge kóleminde aıyppul tóleýge mindettedi», - delingen sot habarlamasynda.
Úkim zańdy kúshine engen joq.
