Qazaqstan zańnamasyn buzǵan 8 myńǵa jýyq sheteldik elden qýyldy
ASTANA. QazAqparat - Aǵymdaǵy jyly Qazaqstanda 1 mıllıonnan astam shetel azamaty ýaqytsha tirkeldi. Bul týraly «QazAqparat» agenttiginiń resmı saýalyna jaýap bergen QR ІІM Memlekettik til jáne aqparat departamentinen habarlandy.
«2016 jyldyń 8 aıynda ishki ister organdarynda 1 059 239 shetel azamaty ýaqytsha tirkeldi. Zańsyz mıgranttardyń jolyn kesý maqsatynda respýblıka kóleminde «Quqyqtyq tártip», «Mıgrant»,«Zańsyz kóshi-qon» jáne «Ýchaske» jedel aldyn alý sharalary ótkizildi. Atqarylǵan jumystardyń nátıjesinde jyl basynan beri 75 185 zań buzýshy ákimshilik jaýapkershilikke tartyldy. 7923 shetel azamaty elden shyǵaryldy», - dep atap ótilgen vedomstvo málimetinde.
Atap aıtqanda, kóshi-qon zańnamasyn buzǵany úshin 787 qylmystyq quqyq buzýshylyq tirkelgen, onyń ishinde 60-sy zańsyz kóshi-qondy uıymdastyrǵany úshin jaýapqa tartylǵan.
Budan buryn kaz/article/2954329">habarlanǵandaı , bıylǵy qyrkúıektiń sońynda QR Densaýlyq saqtaý jáne áleýmettik damý vıtse-mınıstri Birjan Nurymbetov qazaqstandyqtar kóbinese qaı eldiń azamattaryn jumysqa tartatynyn aıtyp bergen edi.
«2013 jyly bizde tıisti zańnama qabyldanyp, oǵan sáıkes kórshiles elderden Qazaqstanǵa jumysqa keletin azamattar 2 AEK kóleminde patent tóleýi tıis, ıaǵnı onyń somasy 4200 teńge. Tek sodan keıin ǵana olar resmı túrde jumysqa jumyldyrylady. Atap aıtqanda, olardy zańdy tulǵalar emes, jeke adamdar tartady», - dedi B. Nurymbetov Ortalyq kommýnıkatsııalar qyzmetindegi baspasóz máslıhatynda.
Onyń sózine qaraǵanda, 2014 jyly jeke adamdar jumysqa 75 myń adamdy tartsa, byltyr bul kórsetkish 145 myń adamǵa jetti.
«QR ІІM málimetine súıensek, jumysqa kelgen sheteldikterdiń ishinde 93 paıyzy Ózbekstan azamattary. ıAǵnı bul adamdar eńbek mıgranttary retinde Qazaqstanda resmı túrde jumys isteýde», - dep túıdi B. Nurymbetov.
