Qazaqstan zańnamalaryna quqyq qorǵaý qyzmetin jetildirý baǵytynda ózgerister engizetin zań jobasy Májiliske jiberildi
TANA. 22 qyrkúıek. QazAqparat /Aıdar Ospanalıev/ - Búgin Parlament Senatynyń jalpy otyrysynda depýtattar «Qazaqstan Respýblıkasynyń keıbir zańnamalyq aktilerine quqyq qorǵaý qyzmetin jetildirý jáne qylmystyq zańnamany odan ári izgilendirý máseleleri boıynsha ózgerister men tolyqtyrýlar engizý týraly» zań jobasyn Májiliske qaıtardy.
Otyrys barysynda atalmysh qujatqa qatysty baıandamany Senattyń Zańnama jáne quqyqtyq máseleler komıtetiniń tóraǵasy Berik Imashev jasady. Onyń sózine qaraǵanda, zań jobasy Qylmystyq kodekstiń birqatar baptarynyń sanktsııalaryndaǵy kópnusqalylyqty azaıtýǵa jáne ekonomıkalyq qylmystar týraly zańnamany izgilendirýge baǵyttalǵan. Sonymen qatar qujat sotta qylmystyq isti júrgizýdi jáne quqyq qorǵaý qyzmetin jetildirýge baǵyttalǵan. Depýtattar qujatqa jekelegen máselelerdiń maǵynasyn naqty túsindirý jáne termınderge baılanysty birqatar ózgerister men tolyqtyrýlar engizý qajet degen baılam jasady. Osyǵan baılanysty zań jobasy Májiliske qaıtaryldy.
