Qazaqstan zańgerleri odaǵynyń tóraǵasy Prezıdent suhbatyna oraı pikir bildirdi
«Prezıdenttiń kúni keshe bergen suhbaty óte mańyzdy boldy. Sebebi ony halyq taǵatsyzdana kútti. Munyń aldynda «Nur Otan» partııasynyń kezekten tys sezinde de biraz jaıtty aıtqan edi. Biraq, bul joly qańtardaǵy qaıǵyly oqıǵalarǵa kezeń-kezeńmen toqtap, neden bolǵanyn, syrtqy kúshterdiń yqpalyn, bizdiń kúshtik qurylymdarymyzdyń daıyn bolmaǵanyndyǵyn tarqatyp berdi. Árıne, memleketimiz úshin bul buryn-sońdy bolmaǵan, kútpegen jaıt boldy. Eń aldymen polıtsııa, Ulttyq qaýipsiz komıtetimiz, áskerlerimiz daıyndyqsyz ekendigin kórsetti. Mańǵystaý óńirinen bastalǵan oqıǵaǵa jer-jerden qoldaý kórsetkender boldy. Biraq, munyń bári jaı emes eken. Prezıdenttiń aıtýynsha, bul aldyn ala daıyndalyp, bir jerden buıryqpen iske asyrylǵan qastandyq. Al bizdiń kúshtik qurylymdarymyz bir ortalyqtan basqarý arqyly jumys isteı almady. Ulttyq qaýipsizdik komıtetiniń basshylyǵy satqyn bolyp shyqty. Polıtsııada jóndi qarý bolmady. Olardyń barlyǵyn bir ortalyqtan basqaratyn shtab ta joq», - dedi Serik Aqylbaı.
Onyń atap ótýinshe, sherýge shyqqandar «Beıbit jınalystar» týraly zańnyń baptaryn buzǵan.
«Olar kóshege eskertýsiz shyqty. Aldyn ala 10 kún buryn eskertip, arnaıy ázirlengen oryndarǵa shyqsa, ózgelerge kedergi jasalmasa, qoǵamdyq tártipti polıtsııa basqaryp tursa, onda mundaı bolarma edi? Halyq kóshege shyqsam, ol beıbit sherý sanalady dep oılaıdy. Ol naǵyz beıbit sherý emes, zańdy buzý sanalady. Al qańtardaǵy oqıǵalar kezinde beıbit sherýge shyqandar arasynda buzaqylar, odan keıin qarý bandıtter paıda boldy. Tonaýshylar shyqty. Áskerı qyzmetshilerdi, polıtsııa qyzmetkerlerin uryp-soqty, óltirdi. Tipti ekeýiniń basyn kesip aldy. Keshede beı-bereket oq atty. Al bul qandaı berý sherý? Kimge aıtsa da adam sengisiz jaǵdaı ǵoı», - dedi zańger.
Birlestik tóraǵasy Almatydaǵy tártipsizdikterge 20 myń sodyrdyń qatysqany týraly aqparatqa sheteldikterdiń senbeıtindigine de toqtaldy.
«20 myń boldy. Almatyǵa úsh jaqtan kirgen. Polıtsııanyń, ákimshilikterdiń ǵımarattaryn buzyp, qıratyp órtep jibergen. Olar polıtsııadan birneshe ese artyq bolǵan. Munyń ózi olardyń 20 myń bolǵanyn dáleldeıdi», - dedi ol.
Serik Aqylbaı qoǵamda quqyqtyq saýatsyzdyqtyń, quqyqtyq nıgılızmniń qatty damyp ketkendigine nazar aýdartady.
«ıAǵnı, árbir aýyldyq jerge baryp, quqyqtyq dárister oqý kerek. Sonda halyqtyń sanasy oıanady, saýattylyǵy kúsheıedi. Tek óziniń quqyǵyn emes Konstıtýtsııalyq mindetin, zańdyq mindetin bilýi tıis. Zań saqtalǵan jerde ómiri mundaı keleńsizdikterge barmaıdy. Zań oryndalǵan jerde mynadaı baılar men kedeıler arasyndaǵy alshaqtyq bolmaıdy. Ony da Prezıdent jóndeýge tyrysyp jatyr», dedi ol.
Sonymen qatar sarapshy Qazaqstan Prezıdentiniń suhbatyn orys tiline berýine qatysty pikir bildirdi.
«Internette «Memleket basshysy nege oryssha suhbat beredi?», «Qazaqsha nege bermeıdi?» dep jazyp ta jatyr. Bul suhbat tek qazaqstandyqtarǵa ǵana emes, syrttan qarap otyrǵan EQYU depýtattary, Reseı men basqa da memleket azamattary túsinsin degen oımen ádeıi jasalǵan. Bul – saıasat. Áıtpese, Qasym-Jomart Kemelulynyń qazaqsha sóıleýge shamasy jetedi. Menińshe, taıaý arada osyndaı taǵy da bir úlken suhbat bolatyn sııaqty», - dedi Serik Aqylbaı.
