Qazaqstan zańdarynda mıgranttardy alalaıtyn birde-bir bap joq - Sholý konferentsııasy
ASTANA. 27 qarasha. QazAqparat /Aıdar Ospanalıev/- «Qazaqstan zańdarynda mıgranttardy alalaıtyn nemese olardyń quqyqtaryn shekteıtin birde-bir bap joq», dep málimdedi búgin Adam quqyqtary jónindegi ulttyq ortalyq ókili Astanda ótip jatqan EQYU Sammıtiniń Sholý konferentsııasynda.
Onyń sózine qaraǵanda, mıgranttarda jumys berý, jumys barysynda azamattardyń densaýlyqtaryna zııan kelgen jaǵdaıda osy zııandy óteý, densaýlyq saqtaý men bilim berý salalarynyń qyzmetin paıdalaný sııaqty Qazaqstan azamattaryna berilgendeı quqyqtardyń bári bar. Olardyń barlyǵy zańmen bekitilgen. «Sonymen qatar Qazaqstanda mıgranttardyń úreı men qorqynyshta ómir súrip otyrmaǵandyǵyn erekshe atap ótý kerek. Buǵan qosa elde shetten kelgen azamattardy jek kórýshilikten týyndaıtyn jaısyz jaǵdaılar bolǵan emes. Al Parlamentte osy ýaqytta elimizdiń kóshi-qon saıasatyna zaman talabyna saı jańasha ózgerister engizýdi kózdeıtin zań talqylanýda. Atalmysh qujat kóshi-qon úderisterin búgingiden de izgi etýge baǵyttalǵan», dedi ortalyq tókili.
Sondaı-aq ol sózinde EQYU-na múshe elderde mıgranttardy kemsitý, olarǵa degen qataldyq sııaqty máselelerdi sheshýge barynsha kúsh salý qajettigin atap kórsetti. «Bul baǵyttaǵy jumystarǵa ózge de halyqaralyq uıymdar atsalyssa degen úmittemiz», dedi Adam quqyqtary jónindegi ulttyq ortalyqtyń ókili.
