Qazaqstan ıÝNISEF-pen birlesken baǵdarlamalardy jalǵastyrady
ASTANA. KAZINFORM — Qazaqstan Respýblıkasy Syrtqy ister mınıstriniń Birinshi orynbasary Erjan Ashyqbaev Qazaqstandaǵy BUU Balalar qorynyń (ıÝNISEF) Ókili Rashed Sarvarmen kezdesý ótkizdi. Bul týraly vedomstvonyń baspasóz qyzmeti málim etti.
Kezdesý barysynda taraptar balalardyń densaýlyǵyn qorǵaý, ınklıýzıvti bilim berýdi damytý, balalardy zorlyq-zombylyqtan qorǵaý, tsıfrlyq qaýipsizdikti qamtamasyz etý, psıhıkalyq densaýlyq máseleleri jáne áleýmettik qorǵaý júıelerin nyǵaıtýǵa baǵyttalǵan baǵdarlamalardy talqylady.
— Biz Uıymynyń ozyq halyqaralyq tájirıbeni engizý, balalar quqyqtaryn qorǵaý salasyndaǵy ádisnama men monıtorıng tetikterin jetildirý, sondaı-aq ınnovatsııalyq sheshimder men jumys tásilderin engizý baǵytyndaǵy kúsh-jigerin joǵary baǵalaımyz, — dep málimdedi Mınıstrdiń birinshi orynbasary.
E.Ashyqbaev ıÝNISEF-tiń «Qazaqstan balalary» ulttyq baǵdarlamasyn ázirleýge kórsetken saraptamalyq qoldaýy úshin rızashylyǵyn bildirdi, sondaı-aq Qazaqstannyń 2025 jylǵy qarashada Balalarǵa qatysty zorlyq-zombylyqty toqtatýǵa baǵyttalǵan Jahandyq alıansqa qosylýyna járdemdeskeni úshin alǵys aıtty.
ıÝNISEF Ókili 2026–2030 jyldarǵa arnalǵan yntymaqtastyq baǵdarlamasy ulttyq strategııalyq qujattardyń basymdyqtaryna jáne BUU Balalar quqyqtary jónindegi komıtetiniń qorytyndy eskertpelerine sáıkes keletinin atap ótti.
Kezdesý qorytyndysy boıynsha taraptar áriptestikti nyǵaıtýǵa jáne ıÝNISEF-tiń 80 jyldyǵyna arnalǵan birlesken is‑sharalar ótkizýge kelisti.
Aıta keteıik, buǵan deıin Memlekettik keńesshi Erlan Qarın Almatyda BUU Balalar qorynyń (ıÝNISEF) Eýropa jáne Ortalyq Azııa boıynsha aımaqtyq dırektory Redjına De Domınıchıspen kezdesken edi. Osy kezdesýde ıÝNISEF Qazaqstannyń bala quqyqtaryn qorǵaý tetikterin joǵary baǵalaǵan bolatyn.