Qazaqstan ıÝNESKO tizimine tarıhı mura nysandaryn usyndy
ASTANA.KAZINFORM - Memlekettik keńesshi ıÝNESKO-nyń Dúnıejúzilik mura ortalyǵynyń dırektorymen kezdesti. Bul týraly Aqordanyń baspasóz qyzmeti habarlady.
Qazaqstan Respýblıkasynyń Memlekettik keńesshisi – Qazaqstan Respýblıkasynyń ıÝNESKO jáne ISESKO isteri jónindegi ulttyq komıssııasynyń tóraǵasy Erlan Qarın ıÝNESKO Bas dırektorynyń mádenıet jónindegi orynbasarynyń mindetin atqarýshy – Dúnıejúzilik mura ortalyǵynyń dırektory Lazar Elýndý Assomomen kezdesti.
Erlan Qarın ıÝNESKO-nyń qoldaýymen Astanada uıymdastyrylǵan «Altyn Orda dala órkenıetiniń modeli retinde: tarıh, arheologııa, mádenıet, biregeılik» halyqaralyq sımpozıýmyna qatysqany úshin Dúnıejúzilik mura ortalyǵynyń basshysyna rızashylyǵyn bildirdi.
Sondaı-aq basqosýda Qazaqstan tarıhy men mádenıeti úshin aıryqsha mańyzǵa ıe mura nysandardy ıÝNESKO-nyń halyqaralyq tizimderine engizý máseleleri talqylandy.
Atap aıtqanda, osy jyldyń 19-29 shilde kúnderi Ońtústik Koreıanyń Pýsan qalasynda ótetin jıynda Qazaqstannyń qatysýymen eki nomınatsııa qarastyrylatyn bolady.
Birinshisi – «Mańǵystaýdyń jerasty meshitteri». Atalǵan ulttyq ótinim aıasynda Beket ata, Qaraman ata, Shopan ata, Shaqpaq ata jáne Sultan epe kórnekti eskertkishteri usynylǵan.
Ekinshisi – «Jibek joly: Ferǵana – Syrdarııa dálizi». Bul – Qazaqstan, Qyrǵyzstan, Tájikstan jáne Ózbekstan memleketteri birlesip usynǵan transulttyq nomınatsııa. Onyń aıasynda elimiz tarapynan ıÝNESKO tizimine álemge áıgili Otyrar, Saýran, Túrkistan, Syǵanaq, Jetiasar, Jankent qalashyqtary usynyldy.
Memlekettik keńesshi Qazaqstan ıÝNESKO-men yntymaqtastyqqa erekshe mán beretinin jáne ózara tıimdi áriptestikti nyǵaıtýǵa múddeli ekenin atap ótti.
Aıta ketelik astanada «Altyn Orda – dala órkenıetiniń úlgisi: tarıh, arheologııa, mádenıet, biregeılik» atty halyqaralyq sımpozıýmy ótken edi.
