Qazaqstan ıÝNESKO-men mádenı mura salasyndaǵy yntymaqtastyqty keńeıtedi
ASTANA. KAZINFORM — Astanada QR Premer-mınıstriniń orynbasary — Mádenıet jáne aqparat mınıstri Aıda Balaevanyń ıÝNESKO Bas dırektorynyń mádenıet jónindegi orynbasary mindetin atqarýshy, ıÝNESKO Búkilálemdik muralar ortalyǵynyń dırektory Lazar Elýndý Assomomen kezdesýi ótti.
QR Mádenıet jáne aqparat mınıstrliginiń baspasóz qyzmetiniń málimetinshe, kezdesý barysynda taraptar Qazaqstan men ıÝNESKO arasyndaǵy tarıhı-mádenı murany saqtaý, zertteý jáne halyqaralyq deńgeıde ilgeriletý baǵytyndaǵy yntymaqtastyqtyń ózekti máselelerin talqylady.
Aıda Balaeva ıÝNESKO ókiline Astanada ıÝNESKO aıasynda ótip jatqan «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty halyqaralyq sımpozıýmǵa qatysqany úshin alǵys bildirdi.
Kezdesýde Qazaqstan Úkimeti ıÝNESKO aıasynda mádenı murany saqtaý jáne ilgeriletý jónindegi 2026–2028 jyldarǵa arnalǵan keshendi jospardy bekitkeni atap ótildi. Bul qujat jańa nomınatsııalardy ázirleý, ǵylymı zertteýler men bilim berý bazasyn damytý, monıtorıngtiń zamanaýı tehnologııalaryn engizý jáne halyqaralyq yntymaqtastyqty nyǵaıtý baǵytyndaǵy júıeli sharalardy qamtıdy.
Atap aıtqanda, bıyl Qazaqstan postkeńestik keńistiktegi elder arasynda alǵash ret mádenı jáne tabıǵı qundylyqtardy qatar qamtıtyn aralas mura nomınatsııasyn usyndy.
Qazaqstan Respýblıkasy Prezıdentiniń tapsyrmasyna sáıkes «Ústirt: Landshafttar jáne ańshylyq tuzaqtar — arandar» atty nomınatsııalyq dose ázirlenip, usynyldy. Bul jumys arheologııa, tarıh, ekologııa jáne tabıǵı murany qorǵaý salalaryndaǵy qazaqstandyq jáne halyqaralyq sarapshylardyń kópjyldyq zertteýleri men tyǵyz yntymaqtastyǵynyń nátıjesi, — dedi Úkimet basshysynyń orynbasary.
Sonymen qatar Pýsanda ótetin Búkilálemdik mura komıtetiniń 48-sessııasy aıasynda Qazaqstannyń qatysýymen ázirlengen eki nomınatsııa qaralady. Olar — «Mańǵystaý túbeginiń jartas meshitteri» jáne Qyrǵyzstan, Tájikstan, Ózbekstanmen birlesip daıyndalǵan «Jibek joly: Ferǵana — Syrdarııa dálizi» nomınatsııalary.
Atalǵan nysandardyń Búkilálemdik mura tizimine engizilýi aımaqtyń ortaq mádenı murasyn saqtaýǵa jáne halyqaralyq mádenı yntymaqtastyqty odan ári damytýǵa qosylǵan mańyzdy úles bolmaq.
Budan bólek, QR Mádenıet jáne aqparat mınıstrligi aımaqtaǵy múddeli memlekettermen birlesip, «Jibek joly: Edil — Kaspıı dálizi» transulttyq nomınatsııasy boıynsha jumystyń jańa kezeńin bastaýǵa jáne osy úderiste belsendi úılestirýshi bolýǵa daıyn ekenin bildirdi.
Óz kezeginde Lazar Elýndý Assomo Qazaqstan men ıÝNESKO arasynda keń aýqymdy baǵyttar boıynsha nátıjeli qarym-qatynas qalyptasqanyn atap ótti. «Jibek joly: Edil — Kaspıı dálizi» transulttyq nomınatsııasy boıynsha jumysty úılestirý bastamasyna toqtala kele, ol Qazaqstannyń áleýeti joǵary ekenin jáne bes qatysýshy el arasynda osy baǵdarlamanyń kóshbasshysyna aınala alatynyn jetkizdi. Onyń aıtýynsha, búgingi sımpozıýmnyń ótkizilýi de osy múmkindiktiń aıqyn dáleli.
Budan buryn Elýndý Lazar Altyn Orda — mádenıetaralyq dıalog pen mádenı ártúrliliktiń tarıhı úlgisi ekenin aıtty.
