Qazaqstan ıÝNESKO-men birlesip, glıatsıologııalyq zertteýlerdi jalǵastyrady
ASTANA. KAZINFORM – 13 maýsymda Birikken Ulttar Uıymynyń bilim, ǵylym jáne mádenıet jónindegi Bas dırektory (ıÝNESKO) Odre Azýle ıÝNESKO men Qazaqstan Respýblıkasynyń Úkimeti arasynda ıÝNESKO aıasyndaǵy 2-sanattaǵy ortalyq retinde Ortalyq Azııa óńirlik glıatsıologııalyq ortalyǵynyń mártebesin qalpyna keltirý týraly kelisimge qol qoıdy.
2025 jylǵy 19 maýsymda Qazaqstan Respýblıkasy tarapynan kelisimge Ǵylym jáne joǵary bilim mınıstri Saıasat Nurbek qol qoıdy. Onyń mártebesin qalpyna keltirý Qazaqstannyń óńirdegi ǵylymı jáne ekologııalyq kún tártibin damytýdaǵy biregeı rólin kórsetedi.
2020 jyly qurylǵan ıÝNESKO aıasyndaǵy Ortalyq Azııa óńirlik glıatsıologııalyq ortalyǵy — ıÝNESKO qamqorlyǵyndaǵy álemdegi jalǵyz glıatsıologııalyq ortalyq.
Kelisimge qol qoıý Glıatsıologııalyq ortalyqqa Qazaqstan úshin asa mańyzdy taýly muzdyq júıelerin jedel baqylaý boıynsha zertteýlerdi jalǵastyrýǵa múmkindik beredi. Bul transshekaralyq basseınderdegi muzdyqtardyń aýdandary men kólemin, olardyń ózgerý úrdisterin baǵalaýǵa jol ashady. Mundaı derekter el men óńir deńgeıindegi sý resýrstaryn basqarý sheshimderin qabyldaý negizi retinde baǵalaýǵa múmkindik beredi.
Kelisim Qazaqstannyń jahandyq ǵylymı bastamalarǵa ıntegratsııalanýy úshin jańa múmkindikter ashady, sondaı-aq eldiń ornyqty damý men halyqaralyq yntymaqtastyqqa qosqan úlesin kúsheıtedi.
Aıta ketelik ıÝNESKO shtab-páterinde Nurǵısa Tilendıevke arnalǵan kórme ashylǵany týraly habarlaǵan edi.