Qazaqstan Ystambuldaǵy týrızm kórmesine qatysady
ASTANA. 24 qańtar. QazAqparat - Qazaqstandyq delegatsııa Ystambulda ótetin «Emitt 2014» týrızm jáne saıahat kórmesine qatysady, dep habarlaıdy QR Indýstrııa jáne jańa tehnologııalar mınıstrliginiń Týrızm ındýstrııasy komıtetiniń baspasóz qyzmetinen.
Túrkııadaǵy týrızm kórmesine elimizdiń jeti aımaǵy qatyspaq. Atap aıtqanda, Astana, Almaty qalalary men Almaty, Ońtústik Qazaqstan, Jambyl, Atyraý jáne Mańǵystaý oblystarynyń ókilderi baryp, týrızm salasyndaǵy taýarlar men qyzmetterin ortaǵa salyp, sońǵy jetistikterimen bólisetin bolady.
«Buǵan qosa, qazaqstandyq top Astanada ótetin «EKSPO-2017» halyqaralyq kórmesiniń josparymen bólisip, qazaqtyń ulttyq mádenıetin nasıhattaıdy. Sondaı-aq kórme qonaqtaryna tól taǵamdardan dám tatqyzyp, kıiz ónimderin daıyndaý týraly sheberlik synybyn ótkizedi» dep josparlanyp otyr delingen habarlamada.
«Emitt 2014» kórmesinde qazaqstandyq ekspozıtsııa TUYAP kórme saraıynyń ortalyq zalyna ornatylady. Tórt kúnge jalǵasatyn shara 2 aqpan kúni aıaqtalady.
Jalpy, 2013 jyly ótken atalmysh kórmege 67 memleketten 4 myńǵa jýyq adam qatysqan bolatyn. Sondaı-aq týrızm salasynyń 58 myńnan astam ókili men 72 myń qonaq kórermen retinde tamashalady.
