Qazaqstan ıAdrolyq synaqtarǵa jappaı tyıym salý týraly shartty ratıfıkatsııalaıdy

ASTANA. QazAqparat - Qazaqstan ıAdrolyq synaqtarǵa jappaı tyıym salý týraly shartty  ratıfıkatsııalaıdy. Bul týraly búgin elordada ótip jatqan «Ótkendi eske alyp, bolashaqqa kóz tik» atty halyqaralyq konferentsııada QR Syrtqy ister mınıstri Qaırat Ábdirahmanov aıtty, dep habarlaıdy QazAqparat tilshisi.

«Jahandyq qaýipsizdik jáne keler urpaq úshin senimdi bolashaqqa álem tolyqtaı ıadrolyq qarýdan azat bolǵanda da kepildik bolady. Qazaqstan memlekettiń ulttyq qaýipsizdikti yntymaqtastyq jolymen ǵana qoldaýǵa bolatyndyǵyna senimdi jáne halyqaralyq qoǵamdastyqqa ıadrolyq qarýdan azat álemdi kórýge kómektesti. Bul jetistik sanalady. Sizderdi qazaqstandyq tájirıbege nazar aýdartyp, sáıkesinshe Úkimet pen Parlamentke ıAdrolyq synaqtarǵa jappaı tyıym salý týraly shartyna qol qoıyp, ratıfıkatsııalaýǵa ıtermeleýge shaqyramyn», - dedi mınıstr.

Osy rette ol Qazaqstan ıadrolyq qarýsyz álemge qol jetkizý úshin barlyq deńgeıde belsendi jumys jasaýǵa nıetti ekendigin basa aıtty.

«Biz barlyq deńgeıde, onyń ishinde azamattyq qoǵammen de ortaq maqsatymyzǵa qol jetkizý úshin barlyq deńgeıde belsendi jumys isteýge nıettimiz. Bul jumystar 2012 jyly Qazaqstan iske qosqan ATOM halyqaralyq jobasymen ózara is-qımyldy qamtıdy. Onyń mıssııasy ıadrolyq qarý synaqtaryna tolyqtaı tyıym salýǵa jahandyq qoldaýdy nyǵaıtýǵa baǵyttalǵan. Biz ıadrolyq synaqtardy túbegeıli shekteýge shaqyramyz», - dedi Qaırat Ábdirahmanov.
 

Sonymen qatar mınıstr álem elderin ıAdrolyq synaqtarǵa jappaı tyıym salý týraly shartyn qoldaýǵa shaqyrdy.

«Taǵy bir qadam retinde biz memleketterdi ıAdrolyq synaqtarǵa jappaı tyıym salý týraly shartyn qoldaýǵa shaqyramyz. Qazaqstan ıAdrolyq qarýdy synaýǵa tyıym salý shartyna 2018 jyldyń 2 naýryzynda qol qoıdy jáne qazirgi ýaqytta ony ratıfıkatsııalaýǵa daıyndalýda», - dedi Qaırat Ábdirahmanov.