Qazaqstan ıAdrolyq synaqtarǵa jappaı tyıym salý týraly Konferentsııasynyń teń tóraǵasy bolyp taǵaıyndaldy
ASTANA. QazAqparat - Vena qalasynda ıAdrolyq synaqtarǵa jappaı tyıym salý sharty uıymynyń (ıASJTShU) otyrysynda Qazaqstan men Japonııa 2015-2017 jyldar kezeńine ıASJTSh-tyń kúshine enýine qolǵabys kórsetý Konferentsııasynyń teń tóraǵalary retinde taǵaıyndaldy.
Bul týraly QR SІM baspasóz qyzmetinen habarlady. 2015 jyly qyrkúıek aıynda Nıý-Iork qalasynda ótetin BUU Bas Assambleıasy sheńberinde Qazaqstan óziniń mindetterine sáıkes Japonııamen birlese 9-shy ıASJTSh-tyń kúshine enýine qolǵabys kórsetý Konferentsııasyna tóraǵalyq etedi.
Qazaqstannyń tóraǵalyǵy kezeńinde birneshe mańyzdy halyqaralyq oqıǵalar oryn alady: 2015 jyly tamyzda japondyq Hırosıma jáne Nagasakı qalalarynda bolǵan adam túrshigerlik atomdyq jarylysqa 70 jyl, 2016 jyly Ortalyq Azııadaǵy ıadrolyq qarýdan azat aımaq týraly Semeı shartyna 10 jyl jáne ıASJTSh qol qoıý úshin ashylǵanyna 20 jyl tolady.
Semeı polıgonynda ıadrolyq synaqtardan zardap shekken jáne óz erkimen ıadrolyq qarýdan bas tartqan Qazaqstan ıadrolyq qarýdan azat álemge jáne ıASJTSh tezirek kúshine enýine yqpal etýge baǵyttalǵan jumysyn belsendi túrde jalǵastyryp, halyqaralyq qaýymdastyqtyń qyzmetine járdem kórsetýge nıetti.
QR Prezıdentiniń osy saladaǵy sońǵy bastamalarynyń biri - ATOM jobasy - ıASJTSh-tyń kúshine enýine keń aýqymdy qoǵamdyq qoldaý kórsetein jahandyq naýqan bolyp tabylady. Búgingi kúnniń ózinde álem kóshbasshylaryna joldanǵan onlaın-petıtsııa jobasyna 100-den astam elden 100 000-ǵa jýyq adam qol qoıdy.
Jalpy belgili, ıASJTSh-yna qol qoıý 1996 jyly qyrkúıekten bastaldy. Búgingi kúni 183 el oǵan qol qoıyp, 163-i ratıfıkatsııalady. Sonymen qatar, Shart kúshine enýi úshin, oǵan, eń kem degende, Ekinshi Qosymshada tizimi berilgen segiz el qol qoıyp, ratıfıkatsııa rásiminen ótkizýi tıis: AQSh, Izraıl, Iran, KHDR, QHR, Mysyr, Úndistan jáne Pákistan.
