Qazaqstan ıadrolyq energetıkanyń tolyqqandy salasyn qurýǵa nıetti
ASTANA. QazAqparat - Qazaqstan ıadrolyq energetıkanyń tolyqqandy salasyn qurýǵa nıetti. Búgin Aqordada Qazaqstanda tirkelgen sheteldik dıplomatııalyq mıssııalar men halyqaralyq uıymdar ókilderimen kezdesý barysynda Elbasy Nursultan Nazarbaev osylaı dedi.
«Biz energetıkany damytýdy ıadrolyq energetıkanyń tolyqqandy salasyn qurýmen baılanystyramyz», - dedi N.Nazarbaev. Sonymen qatar Memleket basshysynyń atap ótýinshe, elimizdiń dástúrli energetıkasy kómir, munaı jáne gaz syndy resýrstarǵa negizdeledi. Degenmen Qazaqstan álemde ýran óndirýden 2-shi orynda turǵandyqtan bul salaǵa da nazar aýdaryp, búginde Reseımen birlesip, atom elektr stansasyn salý máselesin egjeı-tegjeıli qarastyrýda. «Qazirgi ýaqytta biz bul ispen naqty aınalysýdamyz», - dedi Elbasy.
