Qazaqstan ıAdrolyq qarýdy taratpaý týraly shartty qoldaıdy
ASTANA. KAZINFORM — Birikken Ulttar Uıymy (BUU) shtab-páterinde ıAdrolyq qarýdy taratpaý týraly shartqa (ıAQTSh) qatysýshy memleketterdiń Sholý konferentsııasy óz jumysyn bastady, dep habarlaıdy QR SІM baspasóz qyzmeti.
Vedomstvo málimetinshe, bul — ıadrolyq qarýsyzdaný jáne taratpaý salasyndaǵy eń mańyzdy halyqaralyq kelisimderdiń biri, al onyń Sholý konferentsııasy qazirgi tańda halyqaralyq shıelenistiń ósýi, óńirlik qaqtyǵystar jáne qarý-jaraqty baqylaý júıesiniń álsireýimen sıpattalatyn asa kúrdeli jaǵdaıda ótip jatyr.
Jalpy saıası pikirtalas aıasynda ulttyq deńgeıde sóz sóılegen QR Syrtqy ister mınıstriniń birinshi orynbasary Erjan Ashyqbaev Qazaqstan Respýblıkasynyń ıAQTSh rejımin nyǵaıtý jáne ıadrolyq táýekelderdi tómendetýge baǵyttalǵan praktıkalyq ári shynaıy sharalardy ilgeriletý jolyn dáıekti túrde qoldap kele jatqanyn atap ótti.
— Qazaqstannyń ustanymy onyń tarıhı tájirıbesine negizdelgen: Semeı ıadrolyq synaq polıgonyn jabý jáne ıadrolyq arsenaldan óz erkimen bas tartý — bul qadamdar halyqaralyq qaýipsizdik pen senimdi nyǵaıtýǵa qosylǵan mańyzdy úles bolyp qala beredi. Osy turǵyda delegatsııa basshysy QR Prezıdenti Qasym-Jomart Toqaevtyń ıadrolyq derjavalar arasyndaǵy dıalogty qaıta jandandyrý jónindegi bastamasynyń ózektiligin alǵa tartty, — delingen habarlamada.
Ortalyq Azııadaǵy ıadrolyq qarýdan azat aımaq týraly sharttyń (Semeı sharty) tóraǵasy retinde Qazaqstannyń jeke málimdemesinde aımaqqa qatysýshy memleketterdiń jahandyq ıadrolyq qarýsyzdaný rejımin nyǵaıtýǵa qosqan úlesi atap ótildi. Sharttyń Semeı qalasynda qol qoıylǵanyna 20 jyl tolýyna oraı, aımaq memleketteri aımaqaralyq yntymaqtastyqty damytýǵa jáne ıadrolyq qarýdan azat jańa aımaqtardy qurýǵa shaqyrdy.
Konferentsııa aıasynda Qazaqstan Respýblıkasy delegatsııasynyń basshysy BUU Bas hatshysynyń orynbasary — Qarýsyzdaný máseleleri jónindegi joǵarǵy ókili Izýmı Nakamıtsýmen, sondaı-aq birqatar sheteldik delegatsııalar basshylarymen halyqaralyq qaýipsizdik salasyndaǵy ózekti kún tártibin talqylaý maqsatynda kezdesýler ótkizdi.
Sonymen qatar, QR Birikken Ulttar Uıymy janyndaǵy Turaqty ókili Qaırat Omarov Konferentsııanyń Ekinshi Bas komıtetiniń tóraǵasy fýnktsııalaryn atqaryp otyr. Atalǵan komıtettiń mandatyna taratpaý máseleleri, óńirlik máseleler jáne Atom energııasy jónindegi halyqaralyq agenttiginiń kepildikteri kiredi.
Buǵan deıin Qazaqstan Ortalyq Azııa ıadrolyq qarýsyz aımaǵyna tóraǵalyq etetinin jazdyq.
