Qazaqstan ıadrolyq derjavalar arasyndaǵy dıalogty qaıta jandandyrýǵa shaqyrdy
ASTANA. KAZINFORM – Qazaqstan delegatsııasy QR Ulttyq ıadrolyq ortalyǵynyń ,as dırektory Erlan Batyrbekovtiń tóraǵalyǵymen ótip jatqan ıAdrolyq synaqtarǵa jappaı tyıym salý týraly shart uıymynyń (ıASJTShU) «B» Jumys tobynyń 66-sessııasyna qatysyp jatyr. Bul týraly QR Syrtqy ister mınıstrligi habarlady.
QR Venadaǵy halyqaralyq uıymdar janyndaǵy turaqty ókili Muhtar Tileýberdi halyqaralyq qaýipsizdik arhıtektýrasyndaǵy qazirgi syn-qaterler memleketterdiń jedel ujymdyq áreketin jáne ózara senimdi qalpyna keltirýdi talap etetinin atap ótti.
Osyǵan baılanysty ol sessııa qatysýshylaryna QR Prezıdenti Qasym-Jomart Toqaevtyń BUU Bas Assambleıasynyń 80-sessııasynda aıtqan ıadrolyq derjavalar arasynda joǵary deńgeıdegi dıalogty qaıta jandandyrý jónindegi bastamasyn eske saldy. Bul bastama ıadrolyq qarýdy qoldaný qaýpin edáýir tómendetýge, ıAdrolyq qarýdy taratpaý týraly sharttyń (ıAQTSh) jáne ıAdrolyq synaqtarǵa jappaı tyıym salý týraly sharttyń (ıASJTSh) rejımderin nyǵaıtýǵa baǵyttalǵan. Sonymen qatar Qazaqstan mundaı kelissózderdi ótkizý úshin óz alańyn usynýǵa daıyn ekenin bildirdi.
Onymen qosa, Elshi Qazaqstan men halyqaralyq qaýymdastyq bıylǵy jyly Semeı ıadrolyq synaq polıgonynyń jabylǵanyna 35 jyl tolýyn atap ótetinin, bul oqıǵa ıASJTSh-ǵa qol qoıylǵanynyń 30 jyldyǵymen tuspa-tus keletinin erekshe atap ótti. Polıgonnyń jabylýy ıadrolyq synaqtarǵa jahandyq moratorııdiń qalyptasýyna yqpal etken jáne túptep kelgende ıAdrolyq synaqtarǵa jappaı tyıym salý týraly shart boıynsha kelissózderdiń bastalýyna ári onyń qabyldanýyna jol ashqan mańyzdy tarıhı kezeń boldy.
Osyǵan baılanysty Qazaqstan óziniń halyqaralyq mindettemelerin ári qaraı da qatań ustanatynyn jáne óz aýmaǵynda ornalasqan Halyqaralyq monıtorıng júıesiniń bes stantsııasynan naqty ýaqyt rejıminde derekter usyný arqyly ıASJTShU-nyń verıfıkatsııalyq rejımine úles qosýdy jalǵastyratynyn rastady.
ıASJTShU-nyń «B» Jumys tobynyń 66-sessııasy 2026 jylǵy 19 naýryzǵa deıin jalǵasady. Sessııa qorytyndysy boıynsha Shartqa qol qoıǵan memleketter otyrystyń qorytyndy esebin qarap, qabyldaıdy.
Aıta keteıik, Pavlodarda burynǵy ıadrolyq synaq polıgony zapastaǵy jer qoryna enedi.
5 aqpanda strategııalyq qarýlardy shekteý jónindegi SNV-3 kelisiminiń merzimi aıaqtalýy mańyzdy áskerı mejeni ǵana emes, sonymen qatar jahandyq qarýdy baqylaý júıesindegi tutas bir dáýirdiń túıindelgenin ańǵartady. Álem strategııalyq aıqynsyzdyq kezeńine aıaq basty. Munyń halyqaralyq qaýipsizdikke qandaı qaýip-qater tóndiretini jaıynda Kazinform agenttigi halyqaralyq sholýshysynyń materıalynda keńinen qamtylǵan.