Qazaqstan XXIII qysqy Olımpıada oıyndarynan jalǵyz qola medalmen qaıtady
Búgin Olımpıada oıyndarynyń sońǵy kúni shańǵy jarysynan áıelder arasynda 30 shaqyrymdyq mass-ctart jarysy ótken bolatyn. Onda baq synaǵan úsh qazaqstandyq shańǵyshy qyz da júldeli oryndarǵa qol jetkize almady. Osylaısha, Qazaqstan quramasy XXIII qysqy Olımpıada oıyndaryn jalǵyz qola medalmen aıaqtady. Qola medaldi frıstaılshy ıÝlııa Galysheva jeńip alǵan bolatyn. Ózge sportshylarymyz ókinishke qaraı júldesiz qaldy.
Olımpıada oıyndarynda Qazaqstannan 46 sportshy sporttyń 9 túrinen el namysyn qorǵady. Atap ótsek, bıatlonshy bes - er, bes áıel sportshy synǵa tústi. Olardyń quramynda Vasılıı Podkorytov, Maksım Braýn, Vladıslav Vıtenko, Tımýr Hamıtgatın, Roman Eremın, Alına Raıkova, Darıa Klımına, Galına Vıshnevskaıa, Olga Poltoranına jáne Elızaveta Belchenko boldy. Olar sprınt, izge túsý, jekeleı saıys, mass-start, aralas estafeta jáne estafetada óner kórsetti.
Frıstaıldan el namysyn 9 sportshy qorǵady. Naqtyraq aıtsaq, úsh - er, alty áıel adam. Mogýl saıysynda Dmıtrıı Reıherd, Pavel Kolmakov, ıÝlııa Galysheva jáne Aıaýlym Ámrenova óner kórsetti. Akrobatıkada jarys jolyna Marjan Aqjigit, Janbota Aldabergenova, Aıana Joldas, Aqmarjan Qalmurzaeva jáne Ildar Badrýtdınov shyqty.
Shańǵy jarysynda jeti sportshymyz synǵa tústi. Onyń tórtýi er, úsheýi áıel sportshy. Attaryn atap ótsek, Alekseı Poltoranın, Denıs Volotka, Evgenıı Velıchko, Vıtalıı Pýhkalo, Valerııa Tıýleneva, Anna Shevchenko men Elena Kolomına.
Short-trek saıysynda bes - er, eki áıel sportshymyz jarys jolyna shyqty. Olar - Nurbergen Jumaǵazıev, Abzal Ájiǵálıev, Denıs Nıkısha, Erkebulan Shamuhanov, Mersaıd Jaqsybaev, Anastasııa Krestova men A Iong Kım. Al konkı tebýden bes - er, bir áıel sportshymyz synǵa tústi.
Sporttyń bul túrinen el namysyn myna sportshylar qorǵady: Roman Krech (500, 1000 m), Stanıslav Palkın (500, 1000, 1500 m), Artem Krıkýnov (500 m), Fedor Mezentsev (1000, 1500 m, mass-start), Denıs Kýzın (1000, 1500 m) jáne Ekaterına Aıdova (500, 1000, 1500 m).
Bıyl qysqy Olımpıada oıyndaryna tuńǵysh ret mánerlep syrǵanaýdan 3 qazaqstandyq sportshy synǵa tústi. Olar Denıs Ten, Elızabet Tursynbaeva jáne Aıza Mambek. Sondaı-aq, taý shańǵysy sportynan Qazaqstan namysyn eki sportshymyz qorǵady. Olar Igor Zakýrdaev pen Marııa Grıgoreva. Al shana sporty men tramplınnen sekirýden eki sportshy óner kórsetti. Nıkıta Kopyrenko shana sportynan synǵa tússe, Sergeı Tkachenko tramplınnen sekirýden baq synady.
Alaıda, eki aptadan astam ýaqytqa sozylǵan tórtjyldyq dodada otandastarymyz jalǵyz qola medalmen Olımpıada oıyndaryn 28-shi orynmen aıaqtady.
Foto:Danıar Maılybaev
