Qazaqstan XV Dúnıejúzilik polıtseıler jáne órt sóndirýshiler oıyndarynda eki altyn medalǵa ıe boldy
ALMATY. 7 tamyz. QazAqparat - Búgin Soltústik Irlandııada ótip jatqan XV Dúnıejúzilik polıtseıler jáne órt sóndirýshiler oıyndarynda qurama kapıtany Serik Nurǵalıev komanda qorjynyna qos altyn saldy.
Benchpress jáne pýshpýllıftıng sport túrlerinen S. Nurǵalıev úzdik nátıjege qol jetkizip, eki ret jeńis tuǵyryna kóterildi.
Taıaýda jattyǵý kezinde sportshy aıaǵynan aýyr jaraqat alǵan, alaıda, soǵan qaramastan, jarysqa qatysty. Serik Nurǵalıev - eń ataqty polıtseı-atletterdiń biri. QR ІІM qyzmetkeri, polıtsııa podpolkovnıgi jáne respýblıkanyń eńbek sińirgen sport sheberi quqyq qorǵaý organdary arasynda álemniń on dúrkin chempıony jáne rekordshysy, Eýropa chempıony bolyp tabylady, kúsh qurylymdary arasyndaǵy álem birinshilikterinde 29 altyn, 6 kúmis jáne 2 qola júlde ıelengen. Sportshy 9 tamyzda qol kúresi boıynsha jarystarǵa qatysady.
XV Dúnıejúzilik polıtseıler jáne órt sóndirýshiler oıyndary Belfastta (Soltústik Irlandııa) qalasynda ótýde jáne 2013 jyldyń 10 tamyzyna deıin jalǵasady. Іs-sharaǵa 70-ten astam elden 20 myńnan astam shaqyrylǵan qonaqtar, sonyń ishinde quqyq qorǵaý organdarynyń shamamen 10 000 qyzmetkeri qatysady.
