Qazaqstan xalqy Assambleıasy qaıyrymdylyq ortalyǵyna aınalady

ASTANA. QazAqparat - Qazaqstan xalqy Assambleıasy qaıyrymdylyq ortalyǵyna aınalady. Bul týraly búgin QR Prezıdentiniń janyndaǵy Memlekettik basqarý akademııasynda ótken xalyqaralyq konferentsııada QR Memlekettik xatshysy Gúlshara Ábdiqalyqova málim etti.

«Qazaqstan xalqy Assambleıasy qaıyrymdylyq ortalyǵyna aınalady. Bul -áleýmettik yntymaqtastyq jáne ózara senim men dostyq júıesi», - dep atap ótti Memlekettik xatshy QR Memlekettik basqarý akademııasynda QHA-nyń 20 jyldyǵyna arnap ótkizilgen sharada.

Onyń aıtýynsha, QHA sonymen qatar eldegi medıatsııanyń damýyna da ózinshe seripn berip keledi.

«Assambleıada janjaldardy retteý úshin medıatsııa ortalyǵy quryldy. Astana, Almaty qalalarynyń jáne oblys ákimderine jergilikti Dostyq úıi janynan medıatsııa ortalyqtaryn qurý tapsyryldy. Osylaısha QHA elde medıatsııa damytýdyń qýatty faktory bolyp tabylady. Qazirdiń ózinde sońǵy ózekti máseleleri boıynsha aımaqtaǵy qoǵamdyq kelisim keńesterimen 2500 astam is-sharalar ótkizildi», - deıdi G. Ábdiqalyqova.

Onyń sózine qaraǵanda, bul QHA-nyń qoǵam úshin asa qajet ekendigin bildirse kerek.

«Oǵan qosa, «Máńgilik El» Jalpyulttyq patrıottyq ıdeıa Assambleıa týraly zańda naqty bekitilgen. Sondyqtan «Máńgilik El» ıdeıasynyń biriktirýshi áleýetine qatysty QHA-nyń maqsattary men mindetteri zań júzinde naqytalanǵan», - dep eske saldy G. Ábdiqalyqova.