Qazaqstan WTF taekvondo federatsııasynyń jańa prezıdenti saılanady
ASTANA. 7 qarasha. QazAqparat - 11 qarasha kúni Astana qalasynda Qazaqstan Respýblıkasynyń WTF taekvondo federatsııasynyń keńeıtilgen konferentsııasy ótkiziledi. Atalǵan jıynda birqatar mańyzdy máseleler sheshiledi, sonymen qatar 2013 jyl boıynsha sporttyq nátıje jáne basqa da júzege asyrylǵan jobalar boıynsha esep beriledi.
Jıynnyń basty maqsaty - Qazaqstan WTF taekvondo federatsııasynyń jańa prezıdentin saılaý.
Qazaqstan WTF taekvondo federatsııasy 1998 jyldan beri jumys istep keledi. Federatsııa qurylǵan kezden bastap onyń prezıdenti qyzmetin QR Parlament Senatynyń depýtaty (2002-2008 j.), «Qurmet» ordeniniń ıegeri, taekvondodan qara belbeý 5-dan ıegeri Isabekov Shamsat Jaqsylyquly atqardy.
