Qazaqstan WSB deńgeıindegi jekpe-jekterdi ótkize alady
ALMATY. Qańtardyń 28-i. QazAqparat /Erlik Erjanuly/ - Keshe Qytaıdyń Sıamen qalasynda AІVA-nyń (Halyqaralyq áýesqoı boks federatsııasy) keńeıtilgen alqa májilisi boldy,
dep habarlaıdy QazAqparat.
Onda 2009 jyldyń qorytyndysy shyǵarylyp, aǵymdaǵy jyldyń jumys jospary bekitildi. Sonymen qatar WSB (Dúnıejúzilik boks serııasy) jekpe-jekterin Azııa aımaǵynda ótkizýge baılanysty kelisimderge qol qoıylyp, ony Halyqaralyq áýesqoı boks federatsııasynyń prezıdenti Chın Ko Vý bekitti. Qazaqstan tarapynan bul kelisimge Qazaqstan Boks federatsııasynyń vıtse-prezıdenti Janbolat Jákıuly Sársenov qol qoıdy. Qazaqstan, Qytaı, Úndistan jáne Ázirbaıjan memleketteri qatysatyn azııalyq alǵashqy jekpe-jekter qarasha aıynan bastap ótkizile bastaıdy. Bul jekpe-jekte jeńiske jetken bylǵary qolǵap sheberleri qomaqty qarjyǵa ıe bolmaq.
