Qazaqstan Web Summit-2017 konferentsııasynda tsıfrly ekonomıka baǵdarlamasyn tanystyrdy
Qazaqstan delegatsııasyna QR Premer-Mınıstriniń orynbasary Asqar Jumaǵalıev basshylyq jasaýda. Konferentsııada ol halyqaralyq ınternet-kompanııalardyń ókilderimen, ІT jáne ekonomıka men ǵylymdy tsıfrlandyrý salasyndaǵy bedeldi mamandarmen, Kremnıı ańǵarynyń sarapshylarymen, sondaı-aq sharany uıymdastyrýshylarmen kezdesti.
Asqar Jumaǵalıevtiń sózine qaraǵanda, Qazaqstan Web Summit-ke abyroımen qatysyp, elimizde tsıfrly ekonomıkany damytý jónindegi josparlaryn sheteldik qatysýshylarǵa tanystyrdy.
«Biz «Tsıfrlyq Qazaqstan» baǵdarlamasy qamtıtyn salalar men tehnologııalar jaıyndaǵy josparlarymyzdy aıttyq, startap-qoǵamdastyqtardyń ókilderine, iri ІT-kompanııalar men sarapshylarǵa baǵdarlamany júzege asyrýǵa qatysý múmkindigin berdik. Bizdiń tehnologııalyq usynystarymyz ekonomıkanyń barlyq salasyna: ónerkásipten áleýmettik salaǵa deıin, Blockchain tehnologııalarynan Artificial Intelligence tehnologııalaryna deıin ótimdi», - deıdi QR Premer-Mınıstriniń orynbasary.
Veb-sammıttegi Qazaqstan konferentsııasyna respýblıkanyń iri mýltıservıstik operatory da qatysty. «Qazaqtelekom» AQ basqarma tóraǵasy Qýanyshbek Esekeev ınfraqurylymdyq operator bola otyryp, kompanııa ekonomıkany tsıfrlandyrý jónindegi jobalarǵa belsendi qatysyp keletinin tilge tıek etti.
«Bizdiń jańadan usynyp otyrǵan ónimderimizdiń memlekettik, qarjy qyzmetterinde, «aqyldy qalalardy» salý jáne ónerkásip salalarynda kóp kómegi tııýi múmkin. Biz Big Data, Internet of Things, Artificial Intelligence sııaqty tehnologııalardy meılinshe qoldana bastadyq», - dedi ol.
Qýanyshbek Esekeevtiń pikirinshe, Web Summit formatyndaǵy konferentsııalar osy sala ókilderiniń ortaq alańy qyzmetin atqarady.
Qazaqstan delegatsııasynyń ókilderi veb-sammıtte «ınternet buıymdar», jasandy ıntellekt, robot tehnıkasy, krıptovalıýta, kıberqaýipsizdik, blokcheın sekildi adamdar ómirin sapalyq jaǵynan ózgertýge septigin tıgizetin tehnologııalarmen, sondaı-aq basqa elderdegi ınnovatsııalyq tehnologııalardy memlekettik retteý máselelerimen tanysty.
Eske sala ketsek, 6 qarashada bastalǵan veb-sammıt 9 qarashaǵa deıin jalǵasady. Qazaqstan delegatsııasy ІT-qoǵamdastyqqa óz usynystaryn sharanyń ekinshi kúni ótken konferentsııalarynda tanystyrdy.