Qazaqstan VTB bankiniń basqarma tóraǵasy taǵaıyndaldy

ASTANA. QazAqparat - VTB Banki (Qazaqstan) Dırektorlar keńesiniń 2015 jylǵy 30 qarashadaǵy sheshimimen Bank Basqarmasynyń tóraǵasy laýazymyna buryn VTB Bankiniń Orynbor oblysy boıynsha dırektsııasynyń basshysy laýazymynda qyzmet etken Dmıtrıı Zabello taǵaıyndaldy.

Bul taǵaıyndaý jaıynda túsinik bergen Enshiles kompanııalar departamentiniń basshysy VTB Bankiniń aǵa vıtse-prezıdenti Mıhaıl ıAkýnın bylaı atap ótti: «Biz Dmıtrıı Zabellonyń bank bıznesindegi kóp jylǵy tájirıbesin joǵary baǵalaımyz jáne bul taǵaıyndaýdyń VTB Bankiniń Qazaqstandaǵy Enshiles bankiniń sátti damýynyń jańa kezeńi úshin bastama bolyp tabylatynyna senimdimiz».

«Búginde ámbebap VTB banki Qazaqstanda kásibı komandanyń úılesimdi jumysy men VTB halyqaralyq qarjy tobynyń bıznes-tájirıbesiniń arqasynda korporatıvtik jáne bólshek sektorlarda turaqty pozıtsııalarǵa ıe bolyp otyr. Men ózimniń barlyq bilimimdi jáne tájirıbemdi aktsıonerler qoıǵan maqsattarǵa jumyldyrýǵa nıettimin», - dep atap ótti Dmıtrıı Zabello.

VTB Banki (Qazaqstan) AQ EU - VTB halyqaralyq qarjy tobynyń quramyna kiredi. Bank Qazaqstannyń qarjy naryǵynda 6 jyldan astam ýaqyt tabysty jumys jasap keledi jáne Qazaqstannyń barlyq EDB arasynda aktıvteriniń kólemi jaǵynan 20-shy oryndy alady. Búginde VTB Banki (Qazaqstan) AQ EU-nyń 44 qurylymdyq bólimshelerden turatyn fılıaldar jelisi bar, olardyń 17-si fılıaldar bolyp tabylady. Banktiń Ortalyq keńsesi Almaty q. ornalasqan.