Qazaqstan volonterleri BUU júıesinde 5 jańa baǵytta jumys isteýge múmkindik almaq
ASTANA. KAZINFORM – Qazaqstan volonterleri BUU júıesinde 5 jańa baǵytta jumys isteýge múmkindik almaq. Bul týraly Mádenıet jáne aqparat mınıstrliginen málim etti.
– BUU Eriktilerin tolyq qarjylandyrý baǵdarlamasy aıasynda Qazaqstan Respýblıkasynan 2020 jyldan bastap 17 qazaqstandyq volonter Iordanııa, Kenııa, Túrkııa jáne Taıland elderinde BUU halyqaralyq eriktileri bolý múmkindigine ıe boldy. Olar BUUDB, ESKATO, BUU-Áıelder, ıÝNFPA sııaqty uıymdarda jumys istedi. Osy jyly Qazaqstan azamattary úshin BUU júıesinde bes jańa baǵytty ashý pysyqtalýda. Olar qorshaǵan orta máseleleri, kommýnıkatsııalar, mádenıet jáne ózge de salalardy qamtıdy, - dedi mınıstrlikten agenttiktiń resmı saýalyna oraı.
Aıta keteıik, jyl basynda ótken Volenterler forýmynda Prezıdent Qasym-Jomart Toqaev Úkimetke eriktiler isin damytý boıynsha 2030 jylǵa deıingi kezeńdi qamtıtyn jańa mazmundy qujat ázirleýdi tapsyrǵan edi.
