Qazaqstan voleıbolshylary jarys jolyn jeńispen bastady
ASTANA. 30 tamyz. QazAqparat - Keshe Almaty qalasynyń Balýan Sholaq atyndaǵy sport kesheninde Qazaqstan Prezıdenti N.Nazarbaevtyń Kýbogy úshin XIX Halyqaralyq voleıbol týrnıriniń alǵashqy oıyndary ótti.
Sport.kz aqparattyq portaly habarlaǵandaı, Qazaqstannyń voleıbolshylary alǵashqy kezdesýde Bahreın komandasyn 3:0 (25:17, 27:25, 25:11) esebimen jeńip, alǵashqy oıyndaryn sátti bastady. Biraq ekinshi komandamyz Qytaıdan týra osyndaı eseppen utylyp qaldy. Taıland ta Týnıs quramasyn 3:0 esebimen qapy qaldyrdy.
Esterińizge sala keteıik, Qazaqstan Prezıdenti N.Nazarbaevtyń Kýbogy úshin erler arasyndaǵy XIX Halyqaralyq voleıbol týrnırine Týnıs, Qytaı, Taıland jáne Bahreın memleketteriniń ulttyq quramalary qatysyp jatyr. Qazaqstan bul jarysqa eki komanda qosyp otyr. Qyrkúıektiń 3-ine deıin jalǵasatyn týrnırdiń jeńimpazy bir aınalymda anyqtalmaq.
