Qazaqstan voleıbolshylary Olımpıadaǵa irikteý kezeńine qatysady
NUR-SULTAN. QazAqparat - Voleıboldan qazaqstandyq erler jáne qyzdar komandalary 2020 jylǵy Tokıo Olımpıadasyna irikteý oıyndaryna qatysady, dep habarlaıdy QazAqparat tilshisi.
Erler quramasy 7-12 qańtar aralyǵynda Qytaıdyń Tszıanmyn qalasynda ótetin Azııa qurlyǵynan irikteý týrnırinde baq synaıdy. Qazaqstandyq voleıbolshylar A tobynda Iran, Qytaılyq Taıbeı, Qytaı quramalarymen sheberlik baıqasady.
Aıta keterligi, búgingi kúnge deıin Qazaqstan quramasy Olımpıadaǵa birde-bir márte qatysyp kórgen joq. Al álem chempıonaty fınaldyq kezeńinde 2002, 2006 jyldarda synǵa tústi.
Qazaqstandyq qurama 7 qańtarda Qytaımen alańǵa shyqsa, 8 qańtarda Iran, 9 qańtarda Qytaılyq Taıbeı quramalarymen sheberlik baıqasady. Azııa qurlyǵy boıynsha V tobynda Avstralııa, Ońtústik Koreıa, Úndistan jáne Katar voleıbolshylary joldamaǵa talasady.
Dál osy kúnderde Qazaqstannyń voleıbolshy qyzdary Taılandtyń Nakhonratchasıma qalasynda Azııa qurlyǵynan irikteý satysynda V tobynda Ońtústik Koreıa, Iran jáne Indonezııa quramalarymen oınaıdy. Olar 7 qańtarda Iranmen, 8 qańtarda Indonezııa, 9 qańtarda Ońtústik Koreıamen sheberlik baıqasady. Qazaqstan qyzdary 2008 jyly Olımpıada oıyndaryna qatysyp, onda jalpy komandalyq esepte toǵyzynshy oryn aldy. Al A tobynda Taıland, Qytaılyq Taıbeı, Avstralııa quramalarymen kezdesedi.
Azııa qurlyǵynan irikteý kezeńi arqyly Olımpıadaǵa bir joldama beriledi. Dúbirli dodada barlyǵy 12 quram baq synaıdy.
