Qazaqstan voleıbolshylary Germanııadan utylyp qaldy
ASTANA. QazAqparat - Almaty qalasynda ótip jatqan erler arasyndaǵy Álemdik Lıganyń birinshi kúninde Qazaqstan voleıbolshylary Germanııadan 0:3 esebimen utylyp qaldy, dep habarlaıdy Sports kz QR voleıbol federatsııasy baspasóz qyzmetine siltememen.
Kezdesýdiń alǵashqy mınýttarynan shabýylǵa den qoıǵan nemisterdiń qarqynyna tótep bere almaǵan alań ıeleri dopty qabyldaý kezinde qatelikter jiberip jatty. Sonyń saldarynan Germanııa quramasy úsh partııada jeńiske jetti. Qorytyndy esep - 0:3 (21:25, 19:25, 25:27).
«Biz óz qarsylastarymyzǵa tym kóp qurmet kórsetip qoıǵan sııaqtymyz. Germanııa quramasynyń kúshi, tarıhy men ataǵy jaıly bárimizge málim, biraq bizge óz oıynymyzdy oınaý kerek edi. Budan bólek, biz basqa oıynshylar keledi dep kútken bolatynbyz, al jańa quramnyń kelýi biz úshin tosyn jaıt boldy», - dep atap ótti Qazaqstan quramasynyń bas bapkeri Rafaıl Gılıazýtdınov.
«Bastapqy eki partııada biz ózimizdi jaqsy jaǵynan kórsettik jáne oǵan oıyn esebi kýá. Úshinshi partııada qarsylastarymyz oıyndy óz arnasyna burǵandyqtan, osy ózgeristerge úırený úshin biz birtalaı ýaqyt ketirip aldyq. Alaıda, tolyq jeńiske jetkenimizge óte qýanyshtymyz, - dedi Germanııa quramasynyń bas bapkeri Vıtal Heınen.
Atap óteıik, Álemdik lıganyń ekinshi irikteý kezeńinde úshinshi topta óner kórsetken Ispanııa quramasy 1:3 (20:25, 22:25, 26:24, 20:25) esebimen Qytaılyq Taıpeıge ese jiberdi.
