Qazaqstan voleıbolshylary áıelder arasyndaǵy klýbtyq Azııa chempıonatynyń jartylaı fınalynda japondyqtarmen kezdesetin boldy
ALMATY. 27 sáýir. QazAqparat - Búgin Taılandtyń Nakhonratchasıma qalasynda voleıboldan áıelder arasynda 13-klýbtyq Azııa chempıonatynyń shırek fınaldyq oıyndary ótti.
Onda el namysyn qorǵap jatqan Almaty oblysynyń «Jetisý» komandasynyń qyzdary ırandyq («GITIPASAND») qurbylaryn oısyrata (25-21, 25-8, 25-13) utty. Asqar Shalqybekov jattyqtyratyn «jetisýlyq» voleıbolshylar erteń endi jartylaı fınalda Japonııanyń «Toray Arrows» komandasymen kúsh synasady. Іrikteý synynda «A» tobynda úzdik shyqqan japon qyzdar shırek fınalda Mıanma chempıondarynan («Asia World VC») 25-10, 25-4, 25-9 esebimen basym tústi.
