Qazaqstan voleıbolshylary Bahreındegi jarystyń jartylaı fınalyna joldama aldy

ASTANA. KAZINFORM - Ýsa-Taýnda (Bahreın) voleıboldan erler quramalary arasynda ótip jatqan «AVC shaqyrý kýbogi» halyqaralyq týrnırinde Qazaqstan oıynshylary jartylaı fınalǵa joldama aldy.

Qazaqstandyqtar shırek fınalda Aýstralııa quramasymen sheberlik baıqasty.

Birinshi partııada aýstralııalyq komanda basym tústi - 25:21. Budan keıin Vıktor Kozıktiń shákirtteri oıyn tizginin qolǵa alyp, kambek jasaı bildi - 25:23, 25:18, 25:21. Jalpy esep - 3:1, Qazaqstannyń paıdasynda.

Qazaqstan quramasy fınalǵa shyǵý úshin Qatar komandasymen talasady. Qatarlyqtar shırek fınalda Qytaıdy joldan taıdyrdy - 3:0.

Osy jarys chempıony «Segizdik fınalyna» shyǵyp, Ulttar lıgasyna beriletin jalǵyz joldamany sarapqa salady.

Eske sala keteıik, budan buryn Qazaqstan voleıbol quramasynyń tartysty matchta Taılandty utqanyn jazǵan bolatynbyz.