Qazaqstan voleıboldan ulttar kýbogynyń jartylaı fınalyna topta birinshi orynmen shyqty
ASTANA. KAZINFORM - Fılıppınniń Kandon qalasynda ótip jatqan AVC Ulttar kýbogynda Qazaqstan áıelder quramasy jartylaı fınalǵa joldama aldy.
QR Ulttyq olımpıadalyq komıtet málimetterine qaraǵanda, toptyq kezeńdegi sońǵy matchta qazaqstandyq voleıbolshylar Vetnam quramasyn 3:2 esebimen jeńdi.
Osylaısha, Qazaqstan V tobyndaǵy barlyq kezdesýde jeńiske jetip, týrnırdiń jartylaı fınalyna birinshi orynmen shyqty.
Jartylaı fınalda ulttyq qurama A tobynda ekinshi oryn alǵan komandamen kezdesedi.
Osyǵan deıin habarlaǵanymyzdaı, Qazaqstannyń voleıboldan áıelder quramasy Azııa kýbogynda birinshi oryn alǵan bolatyn.
