Qazaqstan voleıbol quramasyna legıonerler kelýi múmkin
ASTANA. 7 aqpan. QazAqparat - Qazaqstan voleıbol federatsııasynyń bas hatshysy Ermek Syrlybaev «aldaǵy ýaqytta Qazaqstan erler quramasyna legıonerler kelýi múmkin» degen málimdeme jasady. Bul týraly «Alaman» habarlady.
«Biz ulttyq quramanyń bas bapkeri Gennadıı Parshınmen Qazaqstan erler quramasynyń jaǵdaıyn kóterý máselesin talqyladyq. Ras, qazir bizidń quramada damý joq. Býyn almasý protsesi durys júrmedi. Sondyqtan qazir erler komandasyna sheteldik sportshylardy shaqyrý máselesin qarastyryp jatyrmyz. Jaqynda bul másele federatsııanyń otyrysynda naqty sheshiledi», - dedi Syrlybaev Sports.kz portalyna bergen suhbatynda.
Esterińizge sala keteıik, osyǵan deıin hokkeıden kanadalyq Kevın Dallman Qazaqstan azamattyǵyn alyp, ulttyq quramada oınaýǵa kelisimin bergen.
