Qazaqstan voleıbol quramasy Paralımpıadada Frantsııany jeńdi
PARIJ. KAZINFORM — Voleıboldy otyryp oınaýdan ulttyq qurama Parıj-2024 Paralımpıada oıyndaryn jeńispen bastady.
XVII Jazǵy Paralımpıada oıyndarynyń toptyq kezeńindegi alǵashqy matchynda Qazaqstannyń voleıboldy otyryp oınaýdan quramasy Frantsııanyń komandasyn 3:0 esebimen jeńdi.
Eske sala ketsek, Parıj Paralımpıadasyna 8 komanda qatysady jáne olar eki topqa bólingen.
A tobynda Qazaqstan, Frantsııa, Bosnııa jáne Mysyr oınaıdy. Al «B» tobynda Iran, Ýkraına, Brazılııa jáne Germanııa quramalary baq synaıdy.
Qazaqstan quramasynyń kelesi oıyny 31 tamyzda Astana ýaqytymen 17:00–de bastalady.
Parıj Paralımpıadasyna voleıboldy otyryp oınaýdan ulttyq qurama 28 jyldan keıin alǵash ret qatysyp otyr.
Aıta ketsek, 29 tamyzda paraaekvondodan qazaqstandyq Mılana Krasavtseva jubanysh kezdesýinde mysyrlyq sportshyǵa ese jiberip, jarys jolyn erte aıaqtady.
Qazaqstan quramasynyń sportshylary Parıj Paralımpıadasyna sporttyń 9 túrinen 33 lıtsenzııa jeńip aldy.
Jarys 28 tamyz ben 8 qyrkúıek aralyǵynda ótedi.
Eske salsaq, Qazaqstan parasportshylary buǵan deıin Paralımpıada oıyndarynda 2 altyn, 4 kúmis, 1 qola medal oljalaǵan bolatyn.
