Qazaqstan voleıbol quramalarynyń Azııa oıyndaryndaǵy qarsylastary anyqtaldy
ORAL. KAZINFORM — Japonııada XX jazǵy Azııa oıyndary aıasynda ótetin voleıbol týrnıriniń jerebesi tartyldy.
Qazaqstan voleıbol federatsııasynan málim etkenindeı, erlerdiń ulttyq quramasy A tobyna tústi.
Toptyq kezeńdegi qarsylastary: Japonııa, Pákistan, Ózbekstan.
Erler arasyndaǵy voleıbol jarysy 27 qyrkúıek pen 3 qazan aralyǵynda Japonııanyń Aıtı jáne Nagoıa qalalarynda ótedi.
Qazaqstan áıelder ulttyq quramasy V tobyna tústi. Qazaqstandyq voleıbolshylar toptyq kezeńde Qytaı jáne Fılıppınmen kezdesedi.
Áıelder arasyndaǵy voleıbol dodasy 16-22 qyrkúıekke belgilengen.
Pákistannyń Islamabad qalasynda voleıboldan erler komandalary arasynda ótip jatqan Ortalyq Azııa chempıonatynda Qazaqstan quramasy búgin Ózbekstanmen sheberlik baıqasty.
Asa tartysty ótken matchta Sergeı Trıkoz jattyqtyratyn qazaqstandyqtar ózbekstandyqtarǵa jol berdi — 2:3 (25:19, 22:25, 29:27, 24:26, 14:16).
Alty komanda qatysyp jatqan jarysta qazaqstandyqtar áli úsh oıyn ótkizedi.
Eske sala keteıik, budan buryn voleıboldan Ortalyq Azııa chempıonatynda Qazaqstan tartysty matchta Nepaldy utqanyn jazǵan edik.
