Qazaqstan-Vengrııa ınvestıtsııalyq qory aýyl sharýashylyǵyna 100 mln dollar tartady (FOTO)

ASTANA. QazAqparat - Qazaqstan men Vengrııa bastapqy kólemi 40 mıllıon dollar bolatyn birlesken ınvestıtsııalyq qor qurýda. Bul týraly búgin QR Aýyl sharýashylyǵy mınıstri Asyljan Mamytbekov málim etti.

Mınıstrdiń sózine qaraǵanda, atalǵan ýaǵdalastyq QR Premer-Mınıstri K.Másimovtiń Majarstan eline jasaǵan sapary barysynda qol jetkizildi.

«Qazaqstan-Vengrııa ınvestıtsııalyq qorynyń qurylýy eki eldiń qarym-qatynasyn nyǵaıtatyny sózsiz. Aýyl sharýashylyǵynda úlken áleýet baryn eskersek, bul - úlken oqıǵa. Bizdiń elderdiń múmkindikterin baǵamdaıtyn bolsaq, qurdyń qurylýy tehnologııalardy transfertteýge, vengrııalyq jáne eýropalyq elderdiń ınvestıtsııalaryn tartýǵa mol múmkindikter ashady», - dep atap ótti mınıstr.

Aıta keteıik, alǵashqy kapıtalızatsııa 40 mıllıon dollardy (ár elden 20 mln dollardan) quramaq. Sonymen qatar qor birlesken jobalarǵa qosymsha 100 mıllıon dollardy tartýdy kózdep otyr. Qor Qazaqstannyń , óńdeý, logıstıka, agrarlyq jáne tamaq ónerkásibi salalaryndaǵy kompanııalarǵa aqsha salady.

Bolashaqta «QazAgro» osyndaı qorlardy Qytaı, Ulybrıtanııa elderimen de qurýdy mejelep otyr.
QR AShM málimetteri boıynsha, 2015 jyly aýyl sharýashylyǵyna 167 mlrd. teńge tartylǵan.