Qazaqstan veloshabandozdary skretch jarysynda úzdik jıyrmanyń qataryna endi
TANA. 5 qarasha. QazAqparat - Elordada ótip jatqan Velotrekten álem kýboginiń birinshi kezeńiniń skretch jarysynda Qazaqstan veloshabandozdary úzdik jıyrmanyń qataryna endi,
dep habarlady QR Velosport federatsııasynyń baspasóz qyzmetinen.
Atalǵan jarystyń aqtyq máresiniń qorytyndysy boıynsha Track Team Astana komandasynyń sportshysy Sultanmurat Mıralıev 16-shy, al Qazaqstan ultyq quramasynyń ókili Matveı Nıkıtın 19-shy nátıje kórsetti.
«1992 jyly týǵan Matveı Nıkıtın aǵymdaǵy jyly ǵana jasóspirimder qatarynan shyqqan bolatyn. Ol kezeńde de jaqsy nátıjege qol jetkizip, Azııa chempıonatynda júldeger atandy. Qazir de ózin jaqsy qyrynan kórsete bildi. Al Sultanmurat Mıralıev baǵdarlamanyń dál osy túrinen qazirgi ýaqytta Qazaqstan chempıony», - deıdi Track Team Astana komandasynyń bas jattyqtyrýshysy Vadım Kravchenko.
