Qazaqstan valıdatsııalyq esepti maýsymnyń 30-na deıin aıaqtaýy kerek- Múddeli taraptar ulttyq keńesiniń múshesi
ALMATY. Maýsymnyń 1-i. QazAqparat /Erlik Erjanuly/ - Valıdatsııalyq esepti jasaýda Qazaqstan ózge elderge qaraǵanda kóbirek jumys isteýine tura keledi. Bul búgin Almatyda ótip jatqan Óndirýshi salalardyń ashyqtyǵy (ÓSA) bastamasyn júzege asyrýdyń ІІІ Ulttyq konferentsııasynda aıtyldy,
dep habarlaıdy QazAqparat.
"Qazaqstan ÓSA bastamasy esebin valıdatsııalaý merzimin qyrkúıektiń 9-yna deıin uzartty. ÓSA bastamasy Basqarmasynyń kelesi jınalysy endi qazan aıynda ótedi. Qazaqstan valıdatormen jáne Valıdatsııalyq komıtetpen valıdatsııalyq esepti maýsymnyń 30-yna deıin aıaqtaýy kerek.Sondaı-aq aqyrǵy esepti shildeniń 9-yna deıin ÓSA bastamasy Basqarmasynyń qaraýyna usynýy tıis", deıdi Múddeli taraptar ulttyq keńesiniń múshesi, EksonMobıldiń Qazaqstandaǵy ókildiginiń dırektory Patrısııa Greham. Onyń aıtýynsha, Qazaqstan búkil bul úrdisti 2-5 jylda qaıtalap otyrýy qajet. Jalpy valıdatsııalyq esepti jasaýda Qazaqstan ózge elderge qaraǵanda kóbirek jumys isteıdi. Óıtkeni munaıgaz jáne taý-ken sektoryndaǵy kompanııalary kóbirek.
