«Qazaqstan» UTA dırektory taǵaıyndaldy

ASTANA. QazAqparat - 2016 jyldyń 1 qarashasynan bastap «Qazaqstan» RTRK» AQ Mańǵystaý oblystyq fılıalynyń dırektory Janahmet Jánibekuly Aǵybaev «Qazaqstan» UTA dırektory qyzmetine taǵaıyndaldy.

Janahmet Aǵybaev 1974 jyly 2 qarashada Qyzylorda oblysynda dúnıege kelgen. Eńbek jolyn 1998 jyly Qyzylorda qalalyq «Aqmeshit aqshamy» gazetinde tilshi bolyp bastaǵan. Keıin 1998-2000 jyldary atalǵan gazette jaýapty hatshy, bas redaktordyń orynbasary qyzmetterin atqardy.

Al 2000-2002 jyldar aralyǵynda «Qazaqstan» UTA-da tilshi, redaktor, 2002-2006 jyldary «Habar» agenttiginde tilshi, 2006-2007 jyldary «Jaıyq Press» JShS bas dırektorynyń orynbasary, «Oral óńiri» gazetiniń bas redaktory boldy.

Sonymen qatar, 2007-2008 jyldary «QazAgro» holdıngi, «Agrarlyq nesıe korporatsııasy» AQ baspasóz hatshysy, 2008-2009 jyldary Almaty qalalyq «Ońtústik Astana» telearnasynyń bas dırektory, 2010 jyly Almaty oblystyq «Jetisý» telearnasynyń bas prodıýseri bolyp qyzmet etti.

2010-2012 jyldary «Almaty» Áleýmettik-kásipkerlik korporatsııasy ulttyq kompanııasy» Aktsıonerlik qoǵamy Basqarma tóraǵasynyń keńesshisi qyzmetin atqardy.

2012 jyldyń qańtar aıynan beri «Qazaqstan» RTRK» AQ Mańǵystaý oblystyq fılıalynyń dırektory boldy, dep jazady kaztrk.kz.