Qazaqstan ústel tennısinen Chehııada ótetin halyqaralyq týrnırge qatysady

ASTANA. KAZINFORM – 5 - 9 sáýir aralyǵynda Chehııanyń Gavırjov qalasynda ústel tennısinen WTT Feeder Havirov halyqaralyq týrnıri ótedi. Bul týraly Ulttyq olımpıadalyq komıtet habarlady.

Қазақстан үстел теннисінен Чехияда өтетін халықаралық турнирге қатысады
Фото: ҚР ҰОК

Atalǵan jarysta Qazaqstan quramasy sapynan Kırıll Gerasımenko, Záýresh Aqasheva, Alan Qurmanǵalıev, Sarvınoz Mırkadırova, Dastan jáne Aıdos Kenjiǵulovtar, Abdýlla Mamaı, Ánel Baqyt, Sanjar Jubanov pen Saǵantaı Qurmambaev el namysyn qorǵaıdy.

Júldege úmitkerler qatarynda juptyq saıysta álem jáne Eýropa chempıony Mattıas Falk (Shvetsııa), Eýropanyń eki dúrkin chempıony Markýsh Freıtash (Portýgalııa), Azııa chempıonatynyń tórt dúrkin qola júldegeri Manav Takkar (Úndistan), jastar arasyndaǵy álem chempıony ári Eýropa vıtse-chempıony Flaven Koton (Frantsııa), Azııa chempıony, álem chempıonatynyń qola júldegeri Sato Hıtomı (Japonııa), Eýropa chempıonatynyń qola júldegeri Izabela Lýpýleský (Serbııa) jáne Eýropa chempıonatynyń eki dúrkin qola júldegeri Natalıa Baıor (Polsha) sııaqty ataqty sportshylar bar.

Buǵan deıin ústel tennısinen Qazaqstan chempıonatynyń jeńimpazdary anyqtalǵanyn jazǵan bolatynbyz.

Сейчас читают